कोरोना भाइरसबाट अस्पतालकी नर्सको मृत्यु, आफन्त पनि गुमाइन

dainikonline
दैनिक अनलाइन | फागुन ७, २०७६ बुधबार | 0

बेइजिङ । चीनको हुबई प्रान्तको वुहानमा बिरामीको उपचारमा संलग्न एक नर्सको कोरोना भाइरसका कारण मृत्यु भएको छ। 

वुहानको वुचाङ्ग अस्पतालकी उपप्रमुख नर्स ल्यु फया्न तथा उनका बुबा र भाइको घातक भाइरसबाट मृत्यु भएको चिनियाँ अखबार गोल्बल टाइम्सले जनाएको छ।

फेब्रुअरी २ सम्म नर्स फया्न अस्पतालको इन्जेक्सन कोठामा ड्युटीमा खटेकी थिइन्। फेब्रुअरी ७ मा उनमा कोरोना भाइरस संक्रमण भएको थियो।

सङ्क्रमित भएपछि उनको उपचारका क्रममा निधन भएको बताइएको छ। उनका श्रीमान् र छोरीलाई क्वारेन्टाइनमा राखिएको छ।

केही दिन अघि उक्त घातक भाइरसबाट वुहान अस्पतालका प्रमुखको समेत ज्यान गएको थियो।

चीनमा २ हजार भन्दा बढिको ज्यान लिएको यो भाइरसबाट संसारभरि ७५ हजार भन्दा बढि मानिस संक्रमित भएका छन्।

यो पनी

वुहान अस्पतालका प्रमुखको कोरोना भाइरसका कारण मृत्यु
 

कमेन्ट गर्नुहोस्

तपाईंको ईमेल गोप्य राखिनेछ ।

लोकप्रिय