काठमाडौँसहित देशका विभिन्न ठाउँमा बदली, यस्तो छ ३ दिनको मौसम पूर्वानुमान

dainikonline
दैनिक अनलाइन | माघ १२, २०७६ आइतबार | 0

काठमाडौँ । आज काठमाडौँसहित देशका केही स्थानमा बदली तथा पश्चिम र मध्य तराईका भु–भागमा हुस्सु,कुहिरो लागेको छ। 

हाल नेपालमा उल्लेखनिय मौसमी प्रणाली नभएका कारण वर्षाको सम्भावना भने नरहेको जल तथा मौसम पूर्वानुमान महाशाखाले जनाएको छ। 

महाशाखाका अनुसार दिउँसो उच्च हिमाली भेगका केही ठाउँमा सामान्य हिउँ पर्ने सम्भावना रहे पनि धेरैजसो ठाउँमा मौसम सफा रहने छ।

तराईमा लागेको कुहिरो पनि दिउँसोपखबाट हटेर मौसम सफा हुने छ। आउँदो तीन दिनसम्म मौसम बदली तथा पानी पर्ने सम्भावना नरहेको तर तराईमा बिहान कुहिरो लाग्ने हुँदा चिसो बढ्न सक्ने महाशाखाले जनाएको छ।

यस्तो छ ३ दिनको मौसम पूर्वानुमान 

माघ १२ गते (आइतबार)

दिउँसो : देशको  पहाडी भू-भागमा आंशिक बदली  भई पुर्वि पहाडि भु-भागका १-२ स्थानहरुमा हल्का वर्षा र उच्च पहाडि तथा हिमालि भु-भागका १-२ स्थानमा हल्का हिमपातको संभावना छ। तराईका भूभागहरुमा हुस्सु/कुहिरो लागेता पनि दिउसो सम्ममा मौसम सामान्यतया सफा रहने सम्भावना रहेको छ।

रातीः  देशको  मध्य र पूर्वी पहाडी भू-भागमा आंशिक बदली  रही वांकी भू-भागमा मौसम सामान्यतया सफा रहनेछ ।

माघ १३ गते (सोमबार)

दिउँसो : देशको पश्चिमी भु-भाग लगायत मध्य र पूर्वी  पहाडी भू-भागमा आंशिक देखि सामान्य बदली  रहनेछ । मध्य र पूर्व तराईका भूभागहरुमा हुस्सु/कुहिरो लाग्ने सम्भावना रहेको छ।

रातीः  देशभर   आंशिक देखि सामान्य बदली  रही पश्चिमी भु-भागका १-२ स्थानहरुमा हल्का वर्षाको संभावना रहेको छ।

माघ १४ गते (मंगलबार)

दिउँसो : देशको पश्चिमी भु-भाग लगायत मध्य र पूर्वी  पहाडी भू-भागमा आंशिक देखि सामान्य बदली  रही पश्चिमी भु-भागका १-२ स्थानहरुमा हल्का वर्षा र वांकी भु-भागमा आंशिक बदली रहनेछ।

रातीः  देशभर आंशिक देखि सामान्य बदली भई पश्चिमी भु-भागका केहि स्थानहरु, मध्य भू-भागका थोरै स्थानहरु र पूर्वी भु-भागका १-२ स्थानहरुमा हल्का वर्षाको संभावना रहेको छ ।

कमेन्ट गर्नुहोस्

तपाईंको ईमेल गोप्य राखिनेछ ।

सम्बन्धित समाचार
लोकप्रिय